اسلام آباد، وفاقی حکومت کی جانب سے سرکاری اخراجات میں کمی کیلئے سخت اقدامات کا فیصلہ کیا گیا ہے۔
وفاقی کابینہ کے فیصلے کی روشنی میں ٹھوس اقدامات کا عملی آغاز کر دیا گیا ہے۔
وفاقی حکومت کی جانب سے کفایت شعاری کے فیصلوں پر عمل درآمد کرتے ہوئے گزشتہ 3 سال سے خالی تمام آسامیاں ختم کر کے نئی آسامیوں کی تخلیق پر پابندی عائد کرنے کے ساتھ ساتھ اخراجات کم کرنے کا نوٹیفکیشن بھی جاری کردیا گیا ہے۔
ایک سال سے زائد عارضی بھرتیوں کے علاوہ نئی بھرتی نہیں ہوگی جبکہ سرکاری خرچ پر بیرون ملک علاج، تمام قسم کی نئی گاڑیوں کی خریداری پر اور ہرقسم کی نئی مشینری کی خریداری پر پابندی عائد ہوگی۔
نوٹیفکیشن کے مطابق ہر قسم کی گاڑیوں کی خریداری پر پابندی ہوگی جبکہ مشینری اور آلات کی خریداری پر مکمل پابندی عائد ہوگیا۔
اس کے علاوہ حکومتی اخراجات پر ملک سے باہر علاج کیساتھ غیر ضروری بیرونی دوروں پر پابندی کردی گئی ہے۔
وزارت خزانہ کی جانب سے فیصلوں پر عمل درآمد کے لیے تمام وفاقی وزارتوں اور ڈویژنز کو نوٹیفکیشن بھیج دیا گیا ہے۔
