مشیراطلاعات کے پی بیرسٹر ڈاکٹر سیف کا کہنا ہے کہ حکومت سے آئینی ترامیم پر مذاکرات انتخابات تسلیم کرنے کے مترادف ہے۔
مشیر اطلاعات خیبر پختونخوا بیرسٹر ڈاکٹر سیف کا کہنا ہے کہ جعلی حکومت سے آئینی ترامیم پر مذاکرات 8 فروری 2024 کے انتخابات کو تسلیم کرنے کے مترادف ہے۔
اپنے ایک بیان میں ان کا کہنا تھا کہ اپوزیشن کا موقف رہا ہے کہ فارم 47 پر بننے والی حکومت غیر منتخب ہے۔
جعلی حکومت سے آئینی ترامیم پر مذاکرات دھاندلی زدہ الیکشن کو جائز قرار دینا ہے۔
پوزیشن کسی دباؤ یا لالچ میں آ کر عوام کا ساتھ نہ چھوڑیں، سپریم کورٹ بھی انتخابی عمل کو متنازع قرار دے چکی ہے۔
صوبائی مشیر اطلاعات کا مزید کہنا تھا کہ موجودہ پارلیمنٹ نامکمل اور غیر آئینی ہے، پارلیمنٹ کو قانون سازی کا حق ہی نہیں یہ آئینی ترمیم کیسے کر سکتی ہے۔
دوسری جانب زرتاج گل کا نام سفری پابندی کی فہرست سے نکالنے کی درخواست پر سماعت کل تک ملتوی کر دی گئی۔
اسلام آباد ہائیکورٹ میں زرتاج گل کا نام سفری پابندی کی فہرست سے نکالنے کے حوالے سے دائر درخواست پر سماعت کل تک ملتوی کر دی گئی ہے۔
