133
لاہور، وزیراعلیٰ پنجاب مریم نواز شریف نے کہا کہ حضرت داتا گنج بخش نے محبت، امن اور رواداری کا پیغام دیا۔
وزیراعلیٰ مریم نواز کی جانب سے حضرت داتا گنج بخش علی بن عثمان الہجویری کی دینی اور روحانی خدمات کیلئے عقیدت کا اظہار کیاگیا۔
وزیراعلیٰ مریم نواز کی جانب سے حضرت داتا گنج بخش کے 981 ویں عرس کے انتظامات پر اظہار اطمینان کیا گیا، عرس میں آنیوالے عقیدت مندوں کی بہترین میزبانی یقینی بنانے اور زائرین کیلئے مناسب انتظامات کی ہدایت کی گئی ہے۔
مریم نواز نے عرس پر سکیورٹی انتظامات کی مسلسل مانیٹرنگ کا بھی حکم دیدیا ہے۔
وزیراعلیٰ پنجاب مریم نواز کا یہ کہنا تھا کہ حضرت داتا گنج بخش کے عرس پر آنیوالے زائرین ہمارے مہمان ہیں، زائرین کیساتھ محبت سے پیش آئیں، عقیدت مندوں کو محبت اور یگانگت کے ساتھ لنگر پیش کیا جائے۔
وزیراعلیٰ مریم نواز کی جانب سے پولیس وارڈن اور افسران کو عرس کے دوران ٹریفک کی روانی یقینی بنانے کی بھی ہدایت کی گئی ہے۔
