جے یوآئی (ف) اور پی ٹی آئی کے درمیان سینیٹ میں تعاون کے حوالے سے ایک ’’پیکیج ڈیل‘‘ پر بات جاری ہے۔
اسلام آباد، مصدقہ ذرائع کے مطابق جمعیت علماء اسلام اور پاکستان تحریک انصاف کے درمیان سینیٹ میں تعاون کے حوالے سے ایک ’’پیکیج ڈیل‘‘ پر بات ہو رہی ہے۔
ذرائع کا کہنا ہے کہ اس پیکیج میں جے یو آئی نے مبینہ طور پر قومی اسمبلی اور سینیٹ میں پی ٹی آئی کی حمایت کیلئے تحریک انصاف سے سینٹ کی 2 نشستوں کا مطالبہ کیا ہے۔
ذرائع کے مطابق مولانا فضل الرحمان کو یہ سیٹ اپنے قریبی عزیز اور سابق گورنر خیبرپختونخوا غلام علی کو سینیٹر بنوانے کیلئے درکار ہے لیکن ان کے پاس ووٹوں کی مطلوبہ تعداد کم ہے۔
ذرائع کا کہنا ہے کہ 2 نشستوں کے مطالبے کے پیش نظر حکمت عملی یہ ہے کہ اس طرح تحریک انصاف 1 نشست پر بھی آمادہ ہو سکتی ہے۔
دوسری جانب یوٹیلیٹی اسٹورز کارپوریشن کے ملازمین نے ڈی چوک سے دھرنا ختم کرنے کا اعلان کردیا ہے۔
احتجاجی ملازمین کے مطابق آئندہ پیر تک مطالبات نہ مانے گئے تو وہ دوبارہ ڈی چوک پر دھرنا دیں گے۔
