141
بانی پاکستان تحریک انصاف و سابق وزیراعظم عمران خان کی بہن علیمہ خان کی جانب سے یہ دعویٰ کیا گیا ہے کہ جج نے جلد ہی عمران خان کو سزا سنانی ہے۔
اڈیالہ جیل کے باہر میڈیا سے گفتگو کے دوران علیمہ خان کا یہ کہنا تھا سپریم کورٹ کو عوام نے بچانا ہے، یہ ہمیں کبھی بھی ملٹری کورٹ میں لے جائیں گے۔
علیمہ خان کا یہ کہنا تھا کہ ہمارے بہت سے لوگ ملٹری جیل میں ہیں، ہمارا بھانجا بھی ملٹری جیل میں ہے، کسی کو معلوم نہیں کہ ان کو کب اور کتنی سزا ہو جائے گی، اب یہ ایسا قانون لانا چاہتے ہیں کسی کو بھی اٹھا کر لے جائیں۔
عمران خان کی بہن کی جانب سے دعویٰ کرتے ہوئے یہ کہا گیا ہے کہ جج نے جلد سابق وزیراعظم کو سزا سنا دینی ہے۔
یاد رہے کہ اس سے پہلے علیمہ خان کا کہنا تھا کہ سننے میں آرہا ہے سابق وزیراعظم کو بھی ملٹری جیل میں ڈالنے کی کوشش کی جارہی ہے، انہیں سمجھ نہیں آرہی کہ عمران خان کو کیسے جیل میں رکھیں۔
