164
پاکستان تحریک انصاف کو لاہور رنگ روڈ کے اوپر کاہنہ کے قریب جلسہ کرنے کی اجازت مل گئی۔
پنجاب حکومت نے پی ٹی آئی کے جلسے کیلئے شرائط عائد کی ہیں کہ وزیراعلیٰ خیبرپختونخواہ علی امین گنڈا پور اپنے بیانات پر معافی مانگیں انکے معافی نہ مانگنے پر این او سی منسوخ کیا جاسکتا ہے۔
پنجاب حکومت کی جانب سے اپنی شرائط میں کہا گیا ہے کہ جلسے میں کسی ادارے، کسی اعلیٰ شخصیات کے خلاف بیان بازی کی ہرگز اجازت نہیں ہوگی۔
دوسری جانب ضلعی انتظامیہ کے ترجمان کا کہنا ہے کہ پاکستان تحریک انصاف کی قیادت کیساتھ لاہور میں جلسہ عام کے حوالے سے ایس او پیز طے ہونے کے بعد اجازت دینے کا فیصلہ ہوا ہے۔
واضح رہے پاکستان تحریک انصاف نے آج لاہور ہائیکورٹ میں مینار پاکستان پر جلسہ کی اجازت کیلئے درخواست دائر کی تھی جس پر عدالت نے ڈپٹی کمشنر لاہور کو درخواست پر فیصلہ کرنے کا حکم جاری کیا تھا۔
