173
ایم ڈی کیٹ ٹیسٹ کے لیے 12 شہروں میں دفعہ 144 نافذ کر دی گئی۔
پنجاب حکومت کی جانب سے ایم ڈی کیٹ ٹیسٹ کے لیے صوبے کے 12 شہروں میں دفعہ 144 نافذ کر دی گئی ہے۔
محکمہ داخلہ پنجاب کی جانب سے جاری کردہ نوٹیفکیشن کے مطابق میڈیکل اینڈ ڈینٹل کالج داخلہ ٹیسٹ کے لیے اتوار 22 ستمبر کو لاہور، گوجرانوالہ، سیالکوٹ، فیصل آباد، ملتان، بہاولپور، ڈی جی خان، ساہیوال، راولپنڈی، سرگودھا، گجرات، رحیم یار خان میں دفعہ 144 نافذ ہو گی۔
جاری کردہ نوٹیفکیشن میں یہ کہا گیا ہے کہ امیدواروں اور سپروائزری عملے کے علاوہ کوئی شخص امتحانی مراکز میں داخل نہیں ہو سکے گا، تمام شہروں میں امتحانی مراکز سے 100 گز کے فاصلے تک غیر متعلقہ افراد کی نقل و حرکت پر پابندی ہوگی۔
جاری کردہ نوٹیفکیشن کے مطابق امتحانی مراکز اور اردگرد ہر قسم کے ہتھیار، موبائل فون، ڈیجیٹل ڈائری اور کتابوں کے لیجانے کی بھی اجازت نہیں ہو گی۔
