ممبر گڈگورننس کمیٹی قاضی انور ایڈووکیٹ کا کہنا ہے کہ اڈیالہ جیل میں سابق وزیراعظم عمران خان کو ٹارچر کیا جا رہا ہے۔
پشاور: خیبرپختونخوا میں پاکستان تحریک انصاف کی حکومت کی کارکردگی کا جائزہ لینے کے لیے قائم کی گئی گڈ گورننس کمیٹی کے ممبر قاضی انور ایڈووکیٹ کا کہنا ہے کہ سابق وزیراعظم عمران خان کو اڈیالہ جیل میں ٹارچر کیا جا رہا ہے۔
اڈیالہ جیل میں بانی پی ٹی آئی عمران خان سے ہوئی ہے، ملاقات کے متعلق قاضی انور کا کہنا تھا کہ عمران خان سے ملاقات ہوئی، اسلام آباد جلسے کو سابق وزیراعظم کی جانب سے منسوخ کیا گیا مگر ایسا تاثر دیا جا رہا ہے کہ جلسہ کسی کے کہنے پر ملتوی کیا گیا ہے۔
ممبر گڈ گورننس کمیٹی کا یہ کہنا تھا کہ جلسہ منسوخی کا عمران خان سے سوال کیا گیا تو جیل انتظامیہ کی جانب سے سیاسی سوالات کرنے سے روک دیا گیا، سابق وزیراعظم کو جیل میں ٹارچر کیا جا رہا ہے۔
ممبر گڈ گورننس کمیٹی قاضی انور ایڈووکیٹ کا کہنا تھا گڈ گورننس کمیٹی عمران خان نے بنائی ہے، کمیٹی کا نام تبدیل کرکے پی ٹی آئی انٹرنل اکاؤنٹیبلٹی کمیٹی رکھا جائے گا۔
قاضی انور ایڈووکیٹ کا یہ کہنا تھا کہ کمیٹی کے لیے سیکرٹریٹ قائم کیا جائے گا، کسی بھی وزیر یا افسر کے خلاف شکایات ہوں تو کمیٹی کو درج کرائی جا سکتی ہیں، کمیٹی کی اپنی مخصوص ویب سائٹ ہوگی کہ جہاں سائلین آن لائن شکایات درج کروا سکتے ہیں۔
