صدر مملکت آصف زرداری کی جانب سے اولمپک گولڈ میڈلسٹ ارشد ندیم کو ہلال امتیاز عطاء کر دیا گیا ہے۔
ایوان صدر میں خصوصی تقریب کا انعقاد کیا گیا کہ جس میں ارشد ندیم کو ہلال امتیاز دیا گیا ہے، ہلال امتیاز عطا کرنے کی خصوصی تقریب براہِ راست نشر کی گئی ہے۔
یاد رہے کہ ارشد ندیم نے پیرس اولمپکس کے جیولین تھرو گیم میں نیزہ 92.97 میٹر تک پھینک کر انٹرنیشنل ریکارڈ بنایا اور پہلی مرتبہ پاکستان کے لیے گولڈ میڈل حاصل کیا تھا۔
گولڈ میڈل جیتنے پر ارشد ندیم کو حکومت پاکستان نے ہلالِ امتیاز دینے کا اعلان کیا تھا۔
وزیراعظم پاکستان شہباز شریف نے ارشد ندیم کے لیے 15 کروڑ روپے کا اعلان کیا تھا، جبکہ وزیراعلیٰ پنجاب مریم نواز نے 10 کروڑ روپے کا چیک بھی دیا تھا، گورنر سندھ اور وزیر اعلیٰ خیبر پختونخوا نے بھی اس معاملے میں انعام کا اعلان کیا تھا۔
یاد رہے کہ قومی ہیرو ارشد ندیم کی جانب سے گولڈ میڈل جیتنے پر پاکستان بھر میں ارشد ندیم کی کامیابی کو سراہتے ہوئے حکومتی، سیاسی و سماجی شخصیات کی جانب سے انہیں انعامی رقوم، پلاٹس اور تحائف سے نوازا گیا ہے۔
