1.1K
امیر بالاج ٹیپو قتل کیس کا مرکزی ملزم ساتھیوں کی فائرنگ سے ہلاک ہوگیا۔
لاہور، امیر بالاج ٹیپو قتل کے مقدمے کا مرکزی ملزم احسن شاہ اپنے ہی ساتھیوں کی فائرنگ سے ہلاک ہوگیا۔
پولیس ذرائع کا کہنا ہے کہ سی آئی اے ملزم احسن شاہ کو برآمدگی اور ساتھی ملزمان کی گرفتاری کے لیے علاقہ تھانہ شادباغ لے جارہی تھی۔
ملزم احسن شاہ کے بھائی علی رضا اور اس کے نامعلوم ساتھیوں نے مرکزی ملزم کو چھڑانے کے لیے پولیس پارٹی پر فائرنگ شروع کردی جس میں ملزم احسن شاہ شدید زخمی ہو گیا جسے اسپتال منتقل کیا جارہا تھا کہ راستے میں جان کی بازی ہار گیا۔
واضح رہے کہ چند ماہ پہلے ہلاک ملزم نے معروف بزنس مین امیر بالاج ٹیپو کو فائرنگ کرکے قتل کردیا تھا۔
فائرنگ کے دوران پولیس اہلکار محفوظ رہے جبکہ ہلاک ہونے والے ملزم کے دیگر ساتھی اندھیرے کا فائدہ اٹھاتے ہوئے فرار ہوگئے، پولیس کی جانب سے ملزمان کی گرفتاری کیلئے علاقے میں سرچ آپریشن جاری ہے۔
