133
راولپنڈی، آرمی چیف جنرل عاصم منیر سے وزیر سرمایہ کاری سعودی عرب خالد بن عبدالعزیز الفالح کی جانب سے وفد کے ساتھ ملاقات کی گئی۔
آئی ایس پی آر کا کہنا ہے کہ آرمی چیف اور سعودی وزیر سرمایہ کاری کے درمیان ملاقات میں باہمی دلچسپی کے امور پر تبادلہ خیال کیاگیا جبکہ ملاقات کے دوران مختلف شعبوں میں برادرانہ تعاون کو مربوط بنانے کے اقدامات پر بات چیت کی گئی۔
آئی ایس پی آر کا کہنا ہے کہ چیف آف آرمی اسٹاف نے سعودی فرماں روا شاہ سلمان اور ولی عہد محمد بن سلمان کی پاکستان کے لیے غیر متزلزل حمایت پر شکریہ ادا کیا۔
آرمی چیف کی جانب سے وفد کو پاکستان کی مکمل حمایت اور عزم کی مزید یقین دہانی کرائی گئی اور دونوں ممالک کو حاصل ہونیوالے امید افزا نتائج سے متعلق امید بھی ظاہر کی۔
آرمی اسٹاف نے کہا کہ بڑے تجارتی وفد کا دورہ پاک، سعودی پائیدار اور برادرانہ تعلقات کی تصدیق کرتا ہے، پاکستانی عوام سعودی عرب کے لیے گہری محبت رکھتے ہیں۔
