121
وزیراعظم شہباز شریف کہتے ہیں آئی ایم ایف کیساتھ مذاکرات کے دوران چین کا مسلسل تعاون قابل تحسین ہے۔
چین کے 75ویں یوم تاسیس کے موقع پر منعقدہ تقریب سے خطاب کرتے وزیراعظم پاکستان شہباز شریف نے چینی عوام کو مبارکباد پیش کی، اور کہا کہ دونوں ملکوں کی دوستی ہمالیہ سے اونچی اور سمندرسے گہری ہے۔
ان کا مزید کہنا تھا کہ آئی ایم ایف کیساتھ مذاکرات کے دوران چین کا مسلسل تعاون قابل تحسین ہے، چین نے علاقائی اور عالمی امن کیلئے ہمیشہ احسن کردار ادا کیا،
پاکستان ہانگ کانگ، تائیوان اور دوسرے عالمی امور پر چین کی حمایت کرتا ہے۔
وزیراعظم شہباز شریف نے کہا کہ سی پیک فیز 2 کے تحت پاکستان اور چین کے درمیان بی ٹو بی روابط بڑھیں گے۔
وزیراعظم شہباز شریف کا تقریب سے خطاب میں مزید کہنا تھا کہ سی پیک فیز 2 سے آئی ٹی، معدنیات اور دیگر شعبوں میں تعاون کو فروغ حاصل ہوگا۔
