128
آئینی ترمیم کے باعث نواز شریف نے لندن جانے کا شیڈول تبدیل کر لیا۔
مسلم لیگ (ن) کے صدر نواز شریف نے آئینی ترمیم کے پیش نظر اپنا لندن جانے کا پروگرام مؤخر کردیا۔
ذرائع کے مطابق نواز شریف کا اسی ہفتے لندن جانے کا پروگرام تھا لیکن اب آئینی ترمیم کا معاملہ حل ہونے کے بعد ہی وہ لندن اور امریکا جائیں گے۔
ذرائع کے مطابق حکومتی جماعت کی جانب سے اسی ہفتے یا اکتوبر کے دوسرے ہفتے میں آئینی ترمیم لائے جانے کا امکان ہے تاہم اس حوالے سے پہلے سپریم کورٹ کے فیصلے کا انتظار کیا جارہا ہے۔
اس سے قبل حکومت کی جانب سے گزشتہ ماہ آئینی ترامیم لانے کا فیصلہ کیا گیا تھا لیکن مطلوبہ اکثریت نہ ملنے کے باعث آگے بڑھانے کا فیصلہ کیا گیا تھا۔
مسلم لیگ ن کے بیشتر رہنما اس بات کا اعلان کر چکے ہیں آئینی ترمیم جلد دوبارہ اسمبلی میں پیش کی جائیگی۔
