وزیراعلیٰ خیبرپختونخوا علی امین گنڈاپور کی جانب سے لاہور جلسے کے لئے حکمت عملی تیار کرلی گئی ہے۔
پارٹی ذرائع کا کہنا ہے کہ وزیراعلیٰ کے پی علی امین گنڈاپور کی جانب سے مختلف ریجنز کی میٹنگز میں ورکرز لانے کا ٹاسک سونپ دیا گیا ہے، وزیراعلیٰ کے پی سے پشاور، ہزارہ، ساؤتھ اور مالاکنڈ کے عہدیداروں نے الگ الگ ملاقاتیں کیں۔
پارٹی ذرائع کا کہنا ہے کہ صوبائی وزرا، اراکین اور عہدیدار کو بھی جلسے کے لئے ورکرز لانے کا ٹارگٹ دیا گیا ہے۔
وزرا کو 2 ہزار، ایم پی اے کو 1 ہزار، تنظیمی عہدیداروں کو 500 اور یوسی عہدیداروں کو 100 کارکن لانے کی ہدایات دی گئی ہیں۔
پارٹی کے ذرائع کا کہنا ہے کہ لاہور میں جلسہ ہر صورت ہوگا، پنجاب کے عہدیدار این او سی کے حصول کے لیے کوشش کررہے ہیں۔
پی ٹی آئی کے جلسے کے دوران سڑکوں کی بندش اور رکاوٹیں ہٹانے کے لئے مشینری ساتھ لے جانے پر بھی اتفاق کیا گیا ہے۔
کے پی کے سے تمام قافلے صوابی انٹرچینج موٹروے پر جمع ہوں گے، پارٹی ذرائع کے مطابق ہکلہ انٹر چینج سے راولپنڈی اور اسلام آباد کے قافلے کو یکجا کیا جائے گا۔
