121
صدر مملکت کی شہید لیفٹیننٹ کرنل محمد علی کے گھر آمد، فاتحہ خوانی اور اظہار تعزیت
صدر مملکت آصف علی زرداری فیصل آباد میں شہید لیفٹیننٹ کرنل محمد علی کی رہائشگاہ پہنچے۔ جہاں انہوں نے شہید کے اہلخانہ کے ساتھ فاتحہ خوانی کی انکے درجات کی بلندی کیلئے دعا کی۔
اس موقع پر ان کا کہنا تھا کہ پوری قوم شہداء اور انکے خاندانوں کی قربانیوں کو قدر کی نگاہ سے دیکھتی ہے۔ قوم اپنے شہیدوں اور ان کی قربانیوں کو کبھی فراموش نہیں کرے گی۔
ان کا مزید کہنا تھا کہ لیفٹیننٹ کرنل محمد علی شمالی وزیرستان میں دہشتگردوں کیخلاف لڑتے ہوئے شہید ہوئے جس پر پوری قوم کی جانب سے انکی خدمات اور بہادری کو خراج عقیدت پیش کیا گیا ہے۔
ملاقات کے آخر میں انہوں نے شہید کے اہلخانہ کیساتھ اظہار ہمدردی کیا اور صبر جمیل کی دعا بھی کی۔
