144
پنجاب حکومت نے 12 افسران کے تقرروتبادلے کے احکامات جاری کر دیے ہیں، جن میں 7 اضلاع کے ڈپٹی کمشنرز بھی شامل ہیں۔
ڈپٹی کمشنر ڈی جی خان مہر شاہد زمان کو تبدیل کر کے چیف آپریٹنگ آفیسر ٹیوٹا تعینات کیا گیا، جبکہ وہاں قرۃالعین میمن کو ڈپٹی کمشنر مظفر گڑھ لگا دیا گیا ہے۔
ڈپٹی کمشنر گوجرانوالہ محمد طارق قریشی کو تبدیل کر کے او ایس ڈی بنا دیا گیا ہے۔
ایڈیشنل سیکرٹری پی اینڈ ڈی، عمرانہ توقیر کو تبدیل کر کے ڈپٹی کمشنر وہاڑی تعینات کر دیا گیا۔
ایڈیشنل سیکرٹری سپورٹس فرحان فاروق کو ڈپٹی کمشنر بہاولپور جبکہ ایڈیشنل سیکرٹری پرائمری ہیلتھ کیئر، محمد عثمان خالد کو ڈپٹی کمشنر ڈی جی خان تعینات کر دیا گیا۔
ایڈیشنل ڈی جی پی ایچ اے لاہور سیف اللہ خان کو ڈپٹی کمشنر چنیوٹ جبکہ ڈپٹی کمشنر مظفر گڑھ میاں عثمان علی کو ایڈیشنل سیکرٹری سپورٹس کے عہدے پر تعینات کیا گیا۔
