رواں سال اپریل 65 سالوں میں ساتواں سب سے خشک مہینہ قرار

یہ بھی پڑھیں

کراچی،رواں سال اپریل گزشتہ 65 سالوں میں ساتواں سب سے خشک اپریل رہا۔

محکمہ موسمیات کے مطابق اپریل میں اوسط درجہ حرارت 65 سالوں میں دوسرا سب سے زیادہ ریکارڈ کیا گیا ہے، جب کہ دن کا درجہ حرارت بھی گزشتہ 65 سالوں میں دوسرا سب سے زیادہ گرم درجہ حرارت رہا۔

محکمہ موسمیات نے بتایا کہ اپریل میں ملک کا اوسط درجہ حرارت 27.91 ڈگری سینٹی گریڈ رہا، جو کہ معمول سے 3.37 ڈگری سینٹی گریڈ زیادہ تھا، جبکہ اپریل میں ملک کا معمول کا اوسط درجہ حرارت 24.54 ڈگری سینٹی گریڈ ہوتا ہے۔

رواں سال اپریل میں دن کا زیادہ سے زیادہ درجہ حرارت 36.40 ڈگری سینٹی گریڈ ریکارڈ کیا گیا، جو کہ اوسط 31.74 ڈگری سینٹی گریڈ سے 4.66 ڈگری سینٹی گریڈ زیادہ تھا۔

محکمہ موسمیات نے مزید بتایا کہ اپریل کے دوران رات کا کم سے کم درجہ حرارت 19.36 ڈگری سینٹی گریڈ رہا، جو کہ ملک کے اوسط 16.80 ڈگری سینٹی گریڈ سے 2.57 ڈگری سینٹی گریڈ زیادہ تھا۔ اس کے علاوہ، رواں سال اپریل کے دوران بارش معمول سے 59 فیصد کم تھی۔

شیئر کریں: