21
لاہور، صوبہ پنجاب کی جیلوں میں شدید گرمی کے باعث قیدیوں اور عملے کو ہیٹ اسٹروک کے خطرے کا سامنا ہے۔
آئی جی جیل خانہ جات میاں فاروق نذیر نے تمام سپرنٹنڈنٹس کو مراسلہ جاری کیا ہے، جس میں قیدیوں کو گرمی سے محفوظ رکھنے کے اقدامات کی ہدایت دی گئی ہے۔
مراسلے میں کہا گیا ہے کہ بیرکوں میں بجلی سے چلنے والے کولر اور چلر فوری فعال حالت میں لائے جائیں اور خراب آلات کی مرمت یقینی بنائی جائے۔
واچ ٹاورز پر تعینات عملے کے لیے بریکٹ فین اور ٹھنڈے پانی کی فراہمی کو یقینی بنایا جائے، جیل کے کچن کو زیادہ سے زیادہ ہوادار بنایا جائے۔
دھوپ میں کام کرنے والے قیدیوں کے لیے چھتریوں کا بندوبست کیا جائے اور جیل کے ڈاکٹرز قیدیوں کو گرمی سے بچاؤ کے حوالے سے آگاہی فراہم کریں۔
