143
لاہور کے سرکاری ڈاکٹر کی لاش گھر سے برآمد ہو ئی ہے۔
لاہور، جنرل ہسپتال لاہور کے ڈاکٹر کی لاش گھر سے برآمد ہوئی ہے۔
پولیس کا کہنا ہے کہ پنجاب انسٹی ٹیوٹ آف نیورو سائنسز کے زیر تربیت پوسٹ گریجویٹ ڈاکٹر شہباز کمرے میں مردہ حالت میں پائے گئے۔
پولیس کا کہنا ہے کہ شواہد اکٹھے کر کے لاش پوسٹ مارٹم کے لئے ہسپتال منتقل کر دی گئی ہے۔
پولیس نے کہا کہ موت کی وجہ کا تعین پوسٹ مارٹم رپورٹ میں ہو گا، ڈاکٹر شہباز کی زوجہ اپنے بچوں کے ساتھ میکے گئی ہوئی تھی۔
دوسری جانب شکارپور میں مبینہ پولیس مقابلے کے دوران 5 ملزمان ہلاک کردیے گئے۔
پولیس کا کہنا ہے کہ سلطان کوٹ کے قریب مقابلے میں 3 ڈاکو اور سول اسپتال روڈ پر ہونیوالے مقابلے میں 2 ڈاکو مارے گئے۔
پولیس کے مطابق ڈاکو سول اسپتال روڈ پر ڈکیتی کے بعد فرار ہو رہے تھے جس کے دوران پولیس سے فائرنگ کے تبادلے میں مارے گئے۔
