103
گجرات میں پولیس وین سے ٹکرانے کے بعد طالب علم کے زخمی ہونے کی افواء ،CCTV فوٹیج نے حقائق سے پردہ اٹھا دیا۔
سوشل میڈیا پر وائرل ہونے والی پوسٹ جس میں ظاہر کیا گیا تھا کہ ایک سٹوڈنٹ کو پولیس کی گاڑی نے ہٹ کیا تھا کے متعلق CCTV فوٹیج سامنے آ گئی۔
فوٹیج میں دیکھا جا سکتا ہے کہ سٹوڈنٹ موٹر سائیکلز پر سوار ہو کر جھنڈ کی شکل میں جا رہے تھے کہ خود ہی آپس میں ٹکرانے سے اسد اللہ نامی سٹوڈنٹ گر کر زخمی ہو گیا۔
جسے ساتھی طالب علم چھوڑ کر وہاں سے بھاگ گئے جبکہ ایک راہ گیر نے اسے اٹھا کر اپنی کار میں ہسپتال شفٹ کیا۔
جبکہ ویڈیو میں نہ تو کوئی پولیس اہلکار اور نہ ہی پولیس کی گاڑی نظر آ رہی ہے۔
یاد رہے کہ گزشتہ روز سوشل میڈیا پر ایسی خبریں گردش کر رہیں تھیں کہ طالب علم کو پولیس وین نے ٹکر ماری تھی۔
