ڈپٹی کمشنر گجرات کا عوامی مسائل کے حل کے لیے کھلی کچہری کا انعقاد

گجرات: ڈپٹی کمشنر گجرات صفدر حسین ورک نے عوامی مسائل کے حل کے لیے اپنے دفتر میں کھلی کچہری کا انعقاد کیا، جس میں شہریوں کی بڑی تعداد نے شرکت کی اور اپنے مسائل بیان کیے۔

ڈپٹی کمشنر نے موقع پر ہی مختلف محکموں کے افسران کو ہدایات جاری کیں اور متعدد درخواستوں پر فوری عملدرآمد کا حکم دیا۔ انہوں نے واضح کیا کہ ضلعی انتظامیہ عوامی مسائل کے حل کے لیے ہر ممکن اقدامات کر رہی ہے اور کھلی کچہریوں کا مقصد شہریوں کو فوری ریلیف فراہم کرنا ہے۔

ڈی سی گجرات نے متعلقہ محکموں کے افسران کو ہدایت دی کہ عوامی شکایات کے ازالے میں کسی قسم کی کوتاہی برداشت نہیں کی جائے گی اور تمام مسائل کو ترجیحی بنیادوں پر حل کیا جائے۔

شہریوں نے ضلعی انتظامیہ کی جانب سے عوامی مسائل کے حل کے لیے کیے جانے والے اقدامات کو سراہا اور ڈپٹی کمشنر کا شکریہ ادا کیا۔