33
ڈنگہ میں ڈکیتوں نے پیزا ڈلیوری بوائے کو بھی نہ بخشا۔ بلاک فیکٹری کے قریب رات کی تاریکی میں پیش آنے والے واقعے میں دو نامعلوم ڈاکوؤں نے ریولوشن پیزا کے ایک ڈلیوری بوائے سے 9 ہزار روپے نقدی اور دو موبائل فون چھین لیے۔
متاثرہ ڈلیوری بوائے کے مطابق وہ رات 2 بجے کے قریب ڈھلیاں میں پیزا ڈلیور کرکے فوارہ چوک کی طرف واپس جا رہا تھا کہ اچانک بلاک فیکٹری کے قریب موجود دو افراد نے موٹر سائیکل کے ہینڈل کے ساتھ لٹکا ہوا بیگ چھین لیا۔ بیگ میں نقدی کے علاوہ دو موبائل فون بھی موجود تھے۔
واقعے کی اطلاع ملنے پر پولیس نے فوری کارروائی کرتے ہوئے نامعلوم ملزمان کے خلاف مقدمہ درج کر لیا ہے۔ شہریوں نے علاقے میں بڑھتی ہوئی وارداتوں پر تشویش کا اظہار کرتے ہوئے سیکیورٹی انتظامات کو مؤثر بنانے کا مطالبہ کیا ہے۔
