نیویارک، پاکستان کو چار سال کے لئے اقوام متحدہ کے کمیشن برائے منشیات کا رکن منتخب کر لیا گیا۔
نیویارک میں اقوام متحدہ کی اقتصادی و سماجی کونسل کے انتخابات میں پاکستان کا انتخاب عمل میں آیا، جہاں اسے 2026 سے 2029 تک کی مدت کے لیے منتخب کیا گیا۔
پاکستان کے یو این مشن کی جانب سے جاری کردہ اعلامیے میں کہا گیا کہ پاکستان اقوام متحدہ کی اقتصادی و سماجی کونسل کی حمایت پر مشکور ہے، اور کمیشن برائے منشیات کا رکن منتخب ہونا پاکستان کے حوالے سے عالمی اعتماد کا مظہر ہے۔
اعلامیے میں مزید کہا گیا کہ کمیشن برائے منشیات کا رکن منتخب ہونا پاکستان پر عالمی سطح پر اعتماد اور بھروسے کا عکاس ہے، اور یہ کہ پاکستان عالمی انسداد منشیات کی کوششوں میں اہم کردار ادا کرنے کے لیے تیار ہے۔
پاکستان نے ہمیشہ عالمی سطح پر منشیات کی سمگلنگ، پیداوار اور استعمال کے خلاف سرگرم کردار ادا کیا ہے اور اقوام متحدہ کے فورمز پر انسداد منشیات کے بارے میں بحث میں فعال اور تعمیری شرکت کی ہے۔
