وزیرِ اعلیٰ مریم نواز سے آذربائیجان کے سفیر کی ملاقات، دوطرفہ تعلقات، تجارتی روابط مزید بڑھانے پر تبادلہ خیال کیا گیا ہے۔
وزیرِ اعلیٰ پنجاب مریم نواز شریف سے پاکستان میں آذربائیجان کے سفیر خضر فرہادوف نے ملاقات کی جس میں دو طرفہ تعلقات، تجارتی روابط، ثقافتی تبادلوں اور مختلف شعبوں میں تعاون بڑھانے پر تبادلہ خیال کیا گیا۔
دونوں ممالک کے درمیان تجارتی اور سرمایہ کاری کے مواقع کے فروغ کیلئے مشترکہ کاوشوں پر اتفاق کیا گیا جبکہ ثقافتی اور تعلیمی تعلقات کو مزید مضبوط بنانے کے عزم کا اعادہ بھی کیا گیا۔
اس موقع پر وزیراعلیٰ پنجاب مریم نواز کا کہنا تھا کہ آزربائیجان کے صدر کا حالیہ دورہ دو طرفہ تعلقات کے فروغ کے لئے کلیدی حیثیت رکھتا ہے۔
پاکستان اور آذربائیجان کے تعلقات برادرانہ ہیں، تعاون کو مزید مضبوط کرنے کی وسیع بے پناہ گنجائش ہے تعلیم، صحت، زراعت، اور توانائی کے شعبے میں تعاون کو مزید فروغ دیا جا سکتا ہے۔
اس موقع پر آذربائیجان کے سفیر کا کہنا تھا کہ وزیر اعلیٰ مریم نواز نے محمد نواز شریف اور محمد شہباز شریف کے عوامی خدمت کے ایجنڈے کو کامیابی سے آگے بڑھایا۔
انہوں نے مریم نواز کو اپنے ملک کے دورے کی دعوت بھی دی جیسے وزیراعلیٰ پنجاب نے قبول کر لیا۔
