89
چئیرمین پاکستان کرکٹ بورڈ (پی سی بی) محسن نقوی نے انگلینڈ کے خلاف تیسرا ٹیسٹ میچ اور سیریز جیتنے پر قومی کرکٹ ٹیم کو مبارکباد دی ہے۔
چیئرمین پاکستان کرکٹ بورڈ، محسن نقوی نے انگلینڈ کے خلاف تیسرے ٹیسٹ اور سیریز کی فتح پر قومی کرکٹ ٹیم کو مبارکباد دی ہے۔ انہوں نے اپنے بیان میں کہا کہ قومی کھلاڑیوں نے بہترین کھیل کا مظاہرہ کر کے فتح اپنے نام کی، خاص طور پر ساجد خان اور نعمان علی نے شاندار باؤلنگ سے اپنی صلاحیتوں کا لوہا منوایا۔
محسن نقوی نے مزید کہا کہ سعود شکیل کی سنچری شاندار بلے بازی کی عکاس تھی اور ٹیم نے بہترین کارکردگی کا مظاہرہ کرتے ہوئے ٹیسٹ سیریز جیت لی۔ ان کا کہنا تھا کہ اس جیت سے کھلاڑیوں کا مورال مزید بلند ہوگا اور یہ فتح کھلاڑیوں کے ساتھ ساتھ پوری قوم کے لیے باعثِ خوشی ہے۔
چیئرمین پی سی بی نے نوجوان کھلاڑیوں کی کارکردگی کی تعریف کرتے ہوئے کہا کہ نئے کھلاڑیوں نے اپنی شمولیت کو کارکردگی سے ثابت کر دیا ہے اور یہ کامیابی پاکستان کرکٹ کے لیے ایک مثبت قدم ہے۔
