لاہور،معروف پاکستانی اداکارہ و ماڈل مصباح ممتاز کا کہنا ہے کہ انہیں انسانوں کی بجائے کتوں کے ساتھ وقت گزارنا بہت اچھا لگتا ہے۔
اداکارہ مصباح ممتاز حال ہی میں ایک پوڈ کاسٹ میں شریک ہوئیں جہاں مصباح ممتاز نے اپنے کیریئر کے آغاز اور نجی زندگی سے متعلق تفصیلی گفتگو کی۔
شوبز انڈسٹری میں آنے کے حوالے سے معروف اداکارہ نے بتایا کہ شوبز میں قدم رکھا تو خاندان کی جانب سے بہت زیادہ مخالفت کا سامنا کرنا پڑا۔
مصباح ممتاز نے ایک سوال کے جواب میں کہا کہ میں اپنے ذہنی سکون کیلئے سیروتفریح کرتی ہوں، اس کے علاوہ اپنی فیملی اور پالتو جانوروں کے ساتھ وقت گزارتی ہوں۔
مصباح نے بتایا کہ میرے پاس 4 پالتو کتے ہیں ان کے ساتھ وقت گزارنا بہت اچھا لگتا ہے، انسانوں کے بجائے کتوں کے ساتھ بیٹھنے کو زیادہ اہمیت دیتی ہوں کیونکہ انسانوں کی نسبت جانور زیادہ وفادار ہوتے ہیں، وہ پیار دیتے ہیں۔
View this post on Instagram
اداکارہ نے اپنی بات کی وضاحت کرتے ہوئے کہا کہ انسان سامنے اور منہ پر تو پیار دیتے ہیں لیکن پیٹھ پیچھے برائیاں کرتے ہیں۔
