ترجمان دفتر خارجہ ممتاز زہرہ بلوچ نے کہا کہ لندن میں پاکستانی ہائی کمیشن کی گاڑی کو نشانہ بنانے پر انتہائی تشویش ہے، قانونی کارروائی کریں گے۔
نجی ٹی وی چینل کے مطابق ممتاز زہرا بلوچ کا کہنا ہے کہ برطانیہ قانونی درسگاہ مڈل ٹیمپل میں قاضی فائزعیسیٰ کے اعزاز میں تقریب کے بعد حملہ آوروں کی جانب سے سابق چیف جسٹس اور پاکستانی ہائی کمشن کی گاڑی پر حملہ کردیا گیا۔
ممتاز زہرا بلوچ کا کہنا تھا کہ پاکستان کی جانب سے برکس میں شمولیت کی خواہش کا اظہار کیا گیا ہے، پاکستان برکس کی رکنیت کے لیے تمام شرائط پر پورا اترتا ہے، فلسطین اور لبنان میں امن و امان کے قیام کا مطالبہ کرتے ہیں۔
ترجمان ترجمان دفتر خارجہ کا کہنا تھا کہ بین الاقوامی برادری اسرائیل کو جنگی جرائم کی پاداش میں انصاف کے کٹہرے میں لائے، کشمیریوں کی خواہشات کے عین مطابق مسئلہ کشمیر کے حل کی حمایت جاری رکھیں گے۔
ممتاز زہرا بلوچ کا کہنا تھا کہ وزیراعظم پاکستان شہباز شریف 2 روزہ دورے پر آج دوحہ پہنچے ہیں، وزیراعظم شہباز شریف امیر اور قطری وزیراعظم سے ملاقات کریں گے۔
دوسری جانب پنجاب حکومت کی جانب سے اسموگ کو آفت قرار دیتے ہوئے باقاعدہ نوٹیفکیشن جاری کر دیا گیا۔
پنجاب نیشنل کلائمیٹ ایکٹ 1958 کے سیکشن 3 کے تحت اسموگ کو آفت قرار دیا گیا، صوبے بھر کے تمام ڈی سیز کو ریلیف کمشنرز کے اختیارات سونپ دیے گئے۔
حکومت پنجاب کی جانب سے نوٹیفکیشن کے مطابق ڈی سیز اسموگ کنٹرول کرنے کے لئے ضروری اقدامات کرنے کے مجاز ہوں گے، فصلوں کی باقیات، سالڈ ویسٹ، کوڑا کرکٹ، شپانگ بیگز، ٹائر اور پلاسٹک جلانے پر پابندی ہو گی۔
