ترجمان دفتر خارجہ ممتاز زہرہ بلوچ نے غیر ملکی حکومتوں کو پاکستان کے اندرونی معاملات میں مداخلت پر متنبہ کردیا ہے۔
اسلام آباد، ترجمان دفتر خارجہ ممتاز زہرہ بلوچ کی جانب سے غیر ملکی حکومتوں کو پاکستان کے اندرونی معاملات میں مداخلت پر متنبہ کردیا گیا ہے۔
دفتر خارجہ میں ہفتہ وار بریفنگ دیتے ہوئے ترجمان دفتر خارجہ ممتاز زہرہ بلوچ کا کہنا تھا کہ دیگر ممالک کو پاکستان کے اندرونی معاملات پر بیان دینے کی ضرورت نہیں، غیر ملکی حکومتوں کو پاکستان کے اندرونی معاملات میں مداخلت سے گریز کرنا چاہیے۔
زہرہ بلوچ کا یہ کہنا تھا کہ ہم نے منکی پاکس پر عالمی ادارہ صحت کی ایڈوائزری دیکھی ہے، وزارت قومی صحت ہی ایڈوائزری سے متعلق اپنا ردعمل دے سکتی ہے۔
ترجمان دفتر خارجہ ممتاز زہرہ بلوچ کا اس متعلق یہ کہنا تھا کہ پاکستان اور افغانستان کے فعال سفارتی مشنز موجود ہیں، دونوں ممالک کے درمیان تیز رفتار روابط بھی موجود ہیں۔
پاکستان کی جانب سے فتنہ خوارج اور افغانستان میں دہشتگرد گروپوں کے ٹھکانوں کا معاملہ اٹھایا، افغانستان کے ساتھ یہ بات اٹھائی گئی تاکہ پاکستان میں دہشتگردی بند ہو۔
ترجمان دفتر خارجہ کا کہنا ہے کہ قومی اسمبلی و سینیٹ سیکرٹریٹ حکام کے لیے ویزا گائیڈ لائنز میں تبدیلی کی ہے، یہ اقدام ویزا پالیسی کے غلط استعمال کو روکے گا۔
