172
راولپنڈی، اڈیالہ جیل میں 9 مئی جی ایچ کیو حملہ کیس کی سماعت کے دوران شیخ رشید اور سابق وزیراعظم عمران خان کی ملاقات ہوئی۔
اڈیالہ جیل میں کیس کی سماعت کے بعد میڈیا سے گفتگو کے دوران سابق وفاقی وزیر شیخ رشید کا کہنا تھا کہ عمران خان سے بڑے عرصے بعد ملاقات ہوئی، سابق وزیراعظم نے گلے لگایا اور بوسہ لیا۔
سابق وفاقی وزیر نے کہا کہ بانی پی ٹی آئی عمران خان مجھے دیکھتے ہی میرے ساتھ بغل گیر ہوئے۔
شیخ رشید کا کہنا تھا کہ سابق وزیراعظم عمران خان سے مل کر بہت خوشی ہوئی، ان سے کمرہ عدالت میں طویل گپ شپ ہوئی۔
دوسری جانب بانی پی ٹی آئی عمران خان کیخلاف اسلام آباد میں درج مقدمات کی تعداد 76 ہوگئی۔
پی ٹی آئی کے اسلام آباد میں احتجاج کے بعد سابق وزیراعظم عمران خان کے خلاف وفاقی دارالحکومت میں مزید 14 مقدمات درج کر لیے گئے، جس کے بعد ان کیخلاف اسلام آباد میں درج مقدمات کی تعداد 76 ہو گئی ہے۔
