عدالت کا عمران خان کی بچوں سے بات اور میڈیکل چیک اپ کروانے کا حکم

اسلام آباد، وفاقی دارالحکومت کی عدالت نے چیئرمین پی ٹی آئی عمران خان کی دو اہم درخواستوں پر فیصلہ سناتے ہوئے انہیں اپنے بچوں سے گفتگو کی اجازت دینے اور طبی معائنے کی سہولت فراہم کرنے کا حکم دے دیا۔

خصوصی عدالت کے جج شاہ رخ ارجمند نے محفوظ شدہ فیصلہ سنایا، جس میں عمران خان کی جانب سے دائر کردہ دونوں درخواستوں کو منظور کر لیا گیا۔

یہ بھی پڑھیں

عدالت نے متعلقہ حکام کو ہدایت جاری کی کہ عمران خان کی ان کے بچوں سے بات کروائی جائے اور ان کا میڈیکل چیک اپ بھی کروایا جائے۔

مزید برآں، عدالتی حکم پر عملدرآمد سے متعلق رپورٹ 28 اپریل تک عدالت میں جمع کروانے کی بھی ہدایت دی گئی ہے۔

دوسری جانب سندھ حکومت نے ضلع عمر کوٹ میں 17 اپریل کو عام تعطیل کا اعلان کر دیا ہے، یہ فیصلہ قومی اسمبلی کے حلقہ این اے 213 میں ضمنی انتخابات کے انعقاد کے پیش نظر کیا گیا ہے۔

حکومت سندھ کی جانب سے جاری کردہ نوٹیفکیشن کے مطابق، ضمنی الیکشن کے دن شہریوں کی سہولت اور شفاف انتخابی عمل کو یقینی بنانے کے لیے تعطیل دی جارہی ہے۔

شیئر کریں: