63
قلات، بلوچستان کے ضلع قلات کی مین شاہراہ پر سیکیورٹی فورسز کی گاڑی پر حملہ ہوا ہے، حملے میں 1 اہلکار شہید چار زخمی ہو گئے۔
ذرائع کا بتانا ہے کہ دھماکے میں ونگ کمانڈر محفوظ رہے، جبکہ حملے میں نائیک عطا اللہ شہید، سپاہی وکیل و دیگر زخمی ہوئے، دھماکہ مغل زئی کے علاقے میں ہوا۔
حملے کے بعد سکیورٹی فورسز کی جانب سے علاقے کو گھیرے میں لے لیا گیا جبکہ زخمیوں کو مقامی ہسپتال منتقل کردیا گیا جہاں انہیں طبی امداد دی جارہی ہے۔
ڈپٹی کمشنر قلات نے واقعہ کی تصدیق کرتے ہوئے کہا کہ دھماکہ خود کش تھا۔
دوسری جانب مصطفیٰ عامر قتل کیس میں گرفتار ملزم ارمغان کے قبضے سے ملنے والے اسلحہ کی تحقیقات سی ٹی ڈی سے کروانے کا فیصلہ کیا گیا ہے۔
تفتیشی ذرائع کا بتانا ہے کہ ارمغان کے پاس غیر قانونی اسلحہ کہاں سے آیا؟ سی ٹی ڈی تحقیقات کرے گا، ارمغان کے پاس ممنوعہ اسلحہ کیسے پہنچا سی ٹی ڈی اس بارے بھی تحقیقات کرے گا۔
