برن، سوئس صدر کی جانب سے یوکرین بحران کے حل میں ثالثی کا کردار ادا کرنے کی پیشکش کر دی گئی۔
غیر ملکی میڈیا کا بتانا ہے کہ سویٹزرلینڈ کی صدر کیرن کیلر نے سوشل میڈیا پلیٹ فارم ایکس پر بیان میں کہا کہ انہوں نے یوکرینی صدر وولودیمیر زیلنسکی کے ساتھ ٹیلی فونک رابطے کے دوران طویل المدتی انسانی اور تعمیر نو کے منصوبوں میں حصہ ڈالنے کی خواہش اور سویٹزرلینڈ کی جاری حمایت کا یقین دلایا ہے۔
یاد رہے کہ دسمبر کے آخر میں سوئٹزر لینڈ کے وزیر خارجہ انگنازیو کاسز نے کہا تھا کہ ان کا ملک خود کو یوکرینی بحران کے حل کے ایک حصے کے طور پر دیکھتا ہے۔
قبل ازیں سوئس وزارت خارجہ کا کہنا ہے کہ ملک کے حکام یوکرین میں جنگ بندی کے قیام پر مذاکرات کی تیاری میں حصہ لے رہے ہیں۔
دوسری جانب اسرائیل کی صیہونی حکومت کی جانب سے گریٹر اسرائیل کا نقشہ جاری کر دیاگیا۔
اسرائیلی حکومت کی جانب سے جاری کیے گئے نقشے میں مقبوضہ فلسطینی علاقوں کے علاوہ اردن، شام، لبنان اور دیگر عرب ممالک کو اسرائیلی ریاست کا حصہ دکھایا گیا ہے۔
