32 کمالیہ، پنجاب کے شہر کمالیہ میں ڈکیتی کے دوران خواتین سے زیادتی کا ایک اور افسوسناک واقعہ رپورٹ ہوا ہے۔
کمالیہ، پنجاب کے شہر کمالیہ میں ڈکیتی کے دوران خواتین سے زیادتی کا ایک اور افسوسناک واقعہ رپورٹ ہوا ہے۔
پولیس کے مطابق یہ سانحہ تھانہ صدر کی حدود جھلار سگلا میں پیش آیا، جہاں اکرم نامی شہری کے گھر پر ڈاکوؤں نے دھاوا بولا۔
واردات کے دوران ملزمان نے گھر میں موجود افراد کو رسیوں سے باندھ دیا اور مبینہ طور پر 2خواتین کو باری باری زیادتی کا نشانہ بنایا، جبکہ جاتے ہوئے قیمتی اشیاء اور نقدی بھی لوٹ کر فرار ہوگئے۔
تھانہ صدر پولیس نے نامعلوم افراد کے خلاف مقدمہ درج کرتے ہوئے تفتیش اور ملزمان کی تلاش شروع کر دی ہے۔
یاد رہے کہ کچھ دن قبل جھنگ موٹر وے پر بھی ایسی ہی واردات میں ایک خاتون سے زیادتی کا واقعہ پیش آ چکا ہے، جس نے عوام میں شدید تشویش پیدا کر دی ہے۔
