لاہور، پاکستانی شوبز انڈسٹری کی حسین اداکارہ درفشاں سلیم کی سلک کے ہلکے گلابی جوڑے میں دلکش اداؤں کے مداح دیوانے ہوگئے۔
درِفشاں سلیم کا شمار ایسی اداکاراؤں میں ہوتا ہے جنہوں نے شوبز میں قدم رکھنے کے بعد بہت ہی کم عرصے میں اپنا ایک مقام بنا لیا ہے ، اپنی زبردست اداکاری اور دلکش اداؤں سے سب کو اپنے سحر میں مبتلا کردیا ہے ۔
حال ہی میں اداکارہ درفشاں سلیم نے انسٹاگرام پر اپنے آفیشل اکاؤنٹ سے چندتصاویر شیئر کیں، جو مداحوں کے دلوں پر بجلیاں گر ا گئیں۔
شیئرکردہ تصاویر میں درفشاں سلیم ہلکے گلابی اور سنہری رنگ کے روایتی مشرقی لباس میں ملبوس ہیں جس پر انتہائی نفیس کڑھائی اور آرائشی کام کیا گیا ہے، جو اداکارہ کی خوبصورتی میں اضافہ کر رہا ہے ۔
خوبرو اداکارہ نے اپنے مشرقی انداز کو چوڑیوں اور ایک سادہ مگر دلکش انگوٹھی کے ساتھ مکمل کیا ہے جو ان کی وضع داری اور روایتی حسن کو مزید اجاگر کرتی ہیں۔
شیئرکردہ تصاویر نے سوشل میڈیا پر دھوم مچا دی ہے ، مداحوں کی جانب سے محبت بھرے کمنٹس کرنے کا سلسلہ جاری ہے ۔
