37
جنوبی وزیرستان، خیبرپختونخوا کے جنوبی وزیرستان کے دونوں اضلاع میں کرفیو نافذ کر دیا گیا۔
گزشتہ روز ضلع جنوبی وزیرستان اپر، ضلع جنوبی وزیرستان لوئر اور ٹانک کے ڈپٹی کمشنرز کی جانب سے کرفیو کے نوٹیفکیشن جاری کیے گئے تھے۔
نوٹیفکیشن کے مطابق صبح 6 بجے سے شام 6 بجے تک تمام راستے بند رہیں گے۔ زالئی تا نیو کیڈٹ کالج وانا سڑک، تنائی، سرواکئی، جنڈولہ اور قلعہ روڈ سمیت احمد وام سے کوٹکئی تک کے راستے مکمل طور پر بند ہوں گے۔
مزید کہا گیا ہے کہ بی بی رغزئی سے جنڈولہ تک کا راستہ بھی بند رہے گا، ان مقامات پر ہر قسم کی آمدورفت پر مکمل پابندی ہوگی۔ مسافروں کو متبادل راستے استعمال کرنے کی ہدایت کی گئی ہے، تاہم وانا گومل زام روڈ کھلا رہے گا۔
ضلعی انتظامیہ کے مطابق ٹانک میں بھی آج کرفیو نافذ ہوگا، جبکہ جنڈولہ، ٹانک، وانا جنوبی وزیرستان شاہراہ بند رہے گی۔
