108
اسلام آباد، سابق وفاقی وزیر سینیٹر فیصل واوڈا کا کہنا ہے کہ عمران خان کی اہلیہ بشریٰ بی بی اور قاسم سوری جیسے لوگ عمران خان کو اس دلدل میں لے جا رہے ہیں جہاں سے واپسی نہ ہو۔
ایک بیان میں سینیٹر فیصل واوڈا کا کہنا ہے کہ باہر بیٹھے لوگ بانی پی ٹی آئی عمران خان کا ایکس اکاؤنٹ اسٹیبلشمنٹ کے خلاف پروپیگنڈے کیلئے استعمال کررہے ہیں، یہ وہی پروپیگنڈا مہم ہے جس کا میں ذکر کر رہا ہوں۔
سینیٹر فیصل واوڈا نے کہا کہ سابق وزیراعظم عمران خان کے ایکس اکاؤنٹ کو وقتی طور پر نظر انداز کریں ورنہ نقصان زیادہ ہوگا۔
سابق وزیراعظم کا کہنا تھا کہ گزشتہ روز اسٹیبلشمنٹ کے خلاف جان بوجھ کر گھٹیا پوسٹ آگ لگانے کے لیے لکھی گئی، یہ گھٹیا ٹوئٹ عمران خان نے نہیں لکھی، باہر بیٹھے سازشیوں نے لکھی کیونکہ عمران خان خود اپنا ایکس اکاؤنٹ نہیں چلا رہے۔
فیصل واوڈا کا کہنا تھا کہ عمران خان کی اہلیہ اور قاسم سوری جیسے لوگوں نے خان کو پاگل قرار دینے سے مارنے تک کی سازش کی ہے، یہ سب مل کر سابق وزیراعظم کو اس دلدل میں لے جا رہے ہیں جہاں سے واپسی نہ ہو۔
