وزیراعظم شہباز شریف نے ایران کے خلاف اسرائیلی جارحیت پر گہری تشویش کا اظہار کرتے ہوئے اس اقدام کی سخت مذمت کی ہے۔
وزیراعظم شہباز شریف نے ایران کے خلاف اسرائیلی جارحیت پر گہری تشویش کا اظہار کرتے ہوئے اس اقدام کی سخت مذمت کی ہے۔ انہوں نے اپنے ٹویٹر پیغام میں کہا کہ اسرائیلی جارحیت علاقائی امن و استحکام کے لیے خطرہ ہے اور یہ کارروائی بین الاقوامی قانون کی خلاف ورزی ہے۔
وزیراعظم کا کہنا تھا کہ پاکستان امن کے حصول کے لیے اپنے ہمسایہ ممالک کے ساتھ مل کر کام کرتا رہے گا اور فریقین کو مزید کشیدگی سے بچنے کے لیے تحمل کا مظاہرہ کرنا چاہیے۔
دوسری جانب ایرانی حکام نے کسی بھی جارحیت کا جواب دینے کا حق محفوظ رکھنے کا اعلان کیا ہے۔ ایرانی سپریم لیڈر آیت اللہ خامنہ ای نے اپنی فوج کو جنگ کی تیاری کا حکم دیا تھا۔ ایرانی پاسداران انقلاب کے ترجمان نے تصدیق کی کہ اسرائیلی حملوں میں 2 ایرانی فوجی جاں بحق ہو گئے ہیں۔
ترجمان کا کہنا تھا کہ اسرائیل نے 100 جنگی طیاروں اور ڈرونز کے ذریعے حملہ کیا، تاہم پاسداران انقلاب کے ہیڈکوارٹر کو براہ راست نشانہ نہیں بنایا گیا۔ ایران نے اسرائیلی جارحیت کا بھرپور جواب دینے کا عزم ظاہر کیا ہے۔
