107
امریکہ کی جانب سے تشدد میں ملوث اسرائیلی تنظیم امنا پر پابندی عائد کردی گئی۔
ترجمان امریکی محکمہ خارجہ میتھیوملر کا کہنا تھا کہ امنا مغربی کنارے میں تشدد کی کارروائیوں میں ملوث ہے۔ ترجمان متھیو ملر کے مطابق اسرائیلی تنظیم پابندیوں کی وجہ سے امریکا سے مالی لین دین نہیں کرسکتی، امریکا میں امنا کے تمام اثاثے منجمد کردیے گئے ہیں۔
تنظیم امنا مغربی کنارے پر موجود ہاؤسنگ سوسائٹیوں میں نئے گھروں کی تعمیر وفروخت کے کاروبار کرکے اپنی تنظیم کے لئے فنڈز جمع کرتی ہے۔
دوسری جانب اسرائیلی دارالحکومت تل ابیب میں لبنان کی جانب سے میزائل حملے کردیے گئے۔
غیر ملکی میڈیا کا کہنا ہے کہ شمالی اسرائیل میں حزب اللہ کے راکٹ حملے میں 1 خاتون ہلاک اور 6 افراد زخمی ہوگئے جبکہ تل ابیب میں بھی لبنان نے حملے کرکے 4 افراد کو زخمی کردیا۔
