قائم مقام امریکی سفیر نے وزارت خزانہ میں وفاقی وزیر خزانہ محمد اورنگزیب سے ملاقات کی۔
اسلام آباد: پاکستان میں تعینات امریکا کی قائم مقام سفیر نٹالی بیکر نے وزیر خزانہ محمد اورنگزیب سے ملاقات کے دوران حکومت کے معاشی اصلاحاتی اقدامات کو سراہا اور کہا کہ امریکا پاکستان کے ساتھ اقتصادی شراکت داری کو مزید وسعت دینے اور سرمایہ کاری کے نئے مواقع پیدا کرنے کے لیے پرعزم ہے۔
وزارت خزانہ کے مطابق، جمعہ کے روز ہونے والی اس ملاقات میں دو طرفہ اقتصادی تعاون اور پاکستان کے اہم شعبوں میں امریکی سرمایہ کاری کے فروغ پر تبادلہ خیال کیا گیا۔
وزیر خزانہ نے امریکی سفیر کو حکومتی معاشی اصلاحاتی ایجنڈے پر بریفنگ دی، جو وزیر اعظم شہباز شریف کے ویژن کے مطابق ساختی اصلاحات اور برآمدات پر مبنی اقتصادی ترقی پر مرکوز ہے۔ انہوں نے معاشی استحکام، پائیدار ترقی، نجکاری، ٹیکس اصلاحات، توانائی کے شعبے کی تنظیم نو اور وفاقی حکومت کے حجم میں کمی جیسے اقدامات پر روشنی ڈالی۔
نٹالی بیکر نے پاکستان کی اقتصادی پیش رفت اور مشکل مگر ضروری ساختی اصلاحات کے نفاذ پر حکومتی عزم کو سراہا۔ انہوں نے کہا کہ امریکا پاکستان کے ساتھ معاشی تعاون کو مزید فروغ دینے اور سرمایہ کاری کے نئے مواقع تلاش کرنے میں گہری دلچسپی رکھتا ہے۔
دونوں فریقین نے باہمی اقتصادی تعلقات کو مزید مضبوط بنانے اور مشترکہ اقتصادی اہداف کے حصول کے لیے مل کر کام کرنے کے عزم کا اعادہ
