آئی سی سی ویمنز کرکٹ ورلڈ کپ کے ایک اہم میچ میں پاکستان اور بھارت کی خواتین ٹیموں کے درمیان کھیل کے دوران غیر معمولی صورتحال سامنے آئی جب کھلاڑیوں کو کیڑوں کی بھرمار کی وجہ سے مشکلات کا سامنا کرنا پڑا۔ اس میچ میں پاکستان کی کپتان فاطمہ ثناء اور دیگر کھلاڑیوں کو گراؤنڈ میں اسپرے کرنا پڑا تاکہ کیڑوں سے نجات حاصل کی جا سکے۔
ایونٹ کے چھٹے دن ہونے والے اس میچ کے دوران کیڑوں کی بہتات نے کھلاڑیوں کی ناک میں دم کر دیا، جس سے وہ کافی پریشان ہو گئی تھیں۔ 28 ویں اوور میں جب کیڑوں کی وجہ سے مشکل بڑھ گئی تو فاطمہ ثناء نے امپائر کی اجازت لے کر خود اسپرے کیا تاکہ کیڑوں کا مسئلہ کم کیا جا سکے۔
اس اقدام کے باوجود حالات بہتر نہ ہوئے، جس کی وجہ سے 24 ویں اوور کے اختتام پر امپائر نے میچ میں بگ بریک کا اعلان کیا۔ اس وقفے کے دوران گراؤنڈ پر باقاعدہ کیڑوں کے خلاف اسپرے کیا گیا اور پھر کھیل کو دوبارہ شروع کیا گیا۔
ویمنز ورلڈ کپ 2025: بھارت کی شاندار جیت، پاکستان 88 رنز سے ناکام
یہ واقعہ اس بات کی نشاندہی کرتا ہے کہ کھیل کے دوران بعض غیر متوقع قدرتی عوامل بھی کھلاڑیوں کی کارکردگی پر اثر انداز ہو سکتے ہیں۔
