چین پر امریکی ٹیرف کے حوالے سے امریکی وزیر خزانہ نے اسے ایک سنجیدہ معاملہ قرار دیا ہے۔ ان کا کہنا ہے کہ چین امریکہ تجارتی تنازع کو حل کرنے کے لیے اب بات چیت کا عمل براہِ راست صدر ٹرمپ اور صدر شی جن پنگ کے درمیان ہوگا۔ امریکہ، بیجنگ کے ساتھ مخلصانہ تجارتی معاہدہ چاہتا ہے۔
چینی وزیر تجارت کی جانب سے محصولات کو "مذاق” قرار دینے پر ردعمل دیتے ہوئے سکاٹ بینسٹ نے کہا کہ امریکہ بیجنگ کے ساتھ تجارتی معاہدہ طے پانے کی امید رکھتا ہے اور اپنے بین الاقوامی شراکت داروں کے ساتھ مخلصانہ مذاکرات کا خواہاں ہے۔
انہوں نے کہا کہ صدر جوبائیڈن کے دور حکومت میں متعدد ممالک نے امریکہ کے ساتھ غیر مساوی سلوک روا رکھا، جس کے ازالے کے لیے اب واضح حکمت عملی اختیار کی جائے گی۔
دوسری جانب امریکی صدر ڈونلڈ ٹرمپ نے طبی معائنے میں شامل ذہنی صلاحیت کے ٹیسٹ میں حیران کن اسکور حاصل کرلیا۔
امریکی صدر ڈونلڈ ٹرمپ نے سالانہ طبی معائنے میں ذہنی صلاحیت کا ٹیسٹ دیا جس میں انہوں نے اب تک کا بلند ترین اسکور حاصل کرلیا۔
امریکی صدر کے ذہنی صلاحیت کے ٹیسٹ میں حاصل کیے گئے نمبرز سے متعلق ڈاکٹروں کا کہنا ہے کہ یہ اب تک کا بلند ترین سکور ہے، کسی کو اتنے نمبر لیتے نہیں دیکھا۔
"تفصیلات کے لیے پڑھیں: امریکا اور چین کی تجارتی جنگ میں شدت
