پاکستان میں ریپ موسیقی کی مقبولیت میں اضافہ کے ساتھ ملک کا پہلا ریئلٹی ریپ شو "ریپ آئیکن پاکستان 2026” جلد منظرِ عام پر آئے گا۔
پکسل انٹرٹینمنٹ نے اعلان کیا ہے کہ شو کے ججز کے طور پر معروف ریپرز طلحہ انجم اور بوہیمیا کام کریں گے۔ اس شو کا مقصد نوجوان ٹیلنٹ میں سے اگلا طلحہ انجم یا اگلا بوہیمیا تلاش کرنا ہے۔ شو 10 اقساط پر مشتمل ہوگا اور عید الفطر کے قریب نشر کیا جائے گا۔
شرکاء کو مختلف ریپ چیلنجز کا سامنا کرنا ہوگا، اور ابتدائی اقساط میں ناکامی کی صورت میں کاسٹ سے خارج ہونے کا خطرہ بھی رہے گا۔ منتظمین نے آڈیشن کے لیے درخواستیں طلب کی ہیں، جن میں ممکنہ شرکاء سے کہا گیا ہے کہ وہ "ریپ آئیکن پاکستان” کے الفاظ پر مبنی ریپ ٹریک بنائیں اور اپنی پرفارمنس کی ویڈیو بھیجیں۔
نادیہ خان کے انٹرویو کے بعد شوبز شخصیات کی طلحہ انجم کی حمایت
آڈیشن اور شرکاء کے انتخاب کا عمل جنوری میں شروع ہوگا، جبکہ پروڈیوسرز کی کوشش ہے کہ شو کی شوٹنگ رمضان سے قبل مکمل ہو جائے۔
اگرچہ پاکستان میں یہ پہلا ریئلٹی ریپ شو ہے، عالمی سطح پر اس کا تصور نیا نہیں ہے۔ امریکا میں "The Rap Game” نے 2019 تک پانچ سیزنز مکمل کیے، جبکہ بھارت میں "MTV Hustle” نے دِسی ہپ ہاپ کے شائقین کو متعدد ٹریکس فراہم کیے ہیں۔ یہ شو پاکستانی نوجوان ریپ ٹیلنٹ کو سامنے لانے اور ملک میں ہپ ہاپ موسیقی کو فروغ دینے کا ایک اہم موقع ہوگا۔
