بالی وڈ سپر اسٹار شاہ رخ خان نے اداکارہ کاجول اور ٹوئنکل کھنہ کے ٹاک شو ’ٹو مچ‘ میں شرکت نہ کرنے کی وجہ بیان کر دی ہے۔
کاجول اور ٹوئنکل گزشتہ چند ماہ سے شو کی میزبانی کر رہی ہیں، جس میں سلمان خان، عامر خان، کرن جوہر، عالیہ بھٹ، جھانوی کپور اور کریتی سینن سمیت کئی مشہور بالی وڈ شخصیات پہلے ہی شریک ہو چکی ہیں۔ شاہ رخ کے مداح کافی عرصے سے انتظار کر رہے تھے کہ کب وہ اس شو میں نظر آئیں گے۔
حال ہی میں شاہ رخ نے بی بی سی ایشین نیٹ ورک سے گفتگو میں کہا کہ انہیں شو میں مدعو کیا گیا تھا، مگر وہ اس وقت ایک فلم ’کِنگ‘ کی شوٹنگ میں مصروف ہیں۔ انہوں نے کہا کہ یہ بات وہ پہلے ہی کاجول کو بتا چکے ہیں اور ان کے شو میں شامل نہ ہونے پر معذرت خواہ ہیں۔
پاکستان کے امیر ترین اداکار ہمایوں سعید کی دولت ساڑھے 13 ارب روپےشاہ رخ خان کی دولت کا صرف 4 فیصد
شاہ رخ نے بتایا کہ وہ شو میں شرکت کرنا چاہتے تھے، مگر شو کے کھانے کے سیگمنٹ میں شامل ہونا ان کے لیے مشکل تھا، اس لیے وہ اس حصے میں شامل نہیں ہوئے۔ اس کے باوجود انہوں نے شو کی تمام اقساط دیکھیں اور مداحوں کو اپنی حمایت کا یقین دلایا۔
واضح رہے کہ شاہ رخ اس وقت فلم ’کِنگ‘ کی شوٹنگ میں مصروف ہیں، اور حال ہی میں انہیں بازو پر چوٹ بھی لگی تھی، جس کے باعث کچھ شوٹنگ رک گئی تھی۔ شاہ رخ نے کہا کہ وہ جلد مکمل صحتیابی کے بعد فلم کی باقی شوٹنگ مکمل کریں گے۔
مداحوں نے شاہ رخ کے اس موقف کو سراہا اور کہا کہ وہ ہمیشہ اپنے کام کے لیے انتہائی ذمہ دار رہتے ہیں، اور چاہے وہ کسی شو میں شامل نہ ہوں، ان کی محبت اور دلچسپی ہمیشہ مداحوں کے لیے موجود رہتی ہے۔
