جیو کے ڈرامہ سیریل ’’کیس نمبر 9‘‘ اور ’’معمہ‘‘ میں اپنی جاندار اداکاری کے لیے مشہور اداکارہ صبا قمر ایک بار پھر خبروں میں ہیں، لیکن اس بار ان کی اداکاری کی وجہ سے نہیں بلکہ ان کے بدلتے ہوئے روپ کی وجہ سے۔
صبا قمر نے حال ہی میں ڈرامہ ’’معمہ‘‘ میں ایک گلیمرس انداز اپنایا ہے، جسے ان کے مداحوں نے سراہا، لیکن بعض ناظرین نے ان کے ہونٹوں کی ساخت میں واضح تبدیلی محسوس کی ہے۔ اس تبدیلی نے سوشل میڈیا پر کافی قیاس آرائیاں پیدا کر دی ہیں کہ شاید اداکارہ نے لپ فلرز یا ہونٹوں کی کسی قسم کی سرجری کروائی ہے۔
سوشل میڈیا پر وائرل ویڈیوز اور ڈرامے کے کلپس پر مداحوں نے اپنے تبصرے کیے، جن میں سے کچھ نے کہا کہ ’’ان کے ہونٹوں میں حد سے زیادہ انجیکشن لگے ہوئے لگ رہے ہیں‘‘، جبکہ ایک صارف نے حیرت کا اظہار کرتے ہوئے لکھا کہ ’’اوہ مائی گاڈ، انہوں نے اپنے ہونٹوں کے ساتھ کیا کر لیا ہے؟ زیادہ فلرز کی وجہ سے عجیب لگ رہے ہیں۔‘‘
صبا قمر کے خلاف بدنام کن الزامات، صحافی نعیم حنیف کی عوامی معافی
ایک اور مداح نے سوال کیا کہ ’’یہ سرجری ہے یا لپ فلرز؟ میں کنفیوز ہوں۔‘‘ جبکہ کچھ نے کہا کہ ’’سب کچھ ٹھیک لگ رہا ہے، بس ہونٹوں میں کچھ گڑبڑ محسوس ہو رہی ہے۔‘‘
ابھی تک صبا قمر کی جانب سے سرکاری طور پر کوئی بیان سامنے نہیں آیا کہ انہوں نے ہونٹوں کی سرجری یا فلرز کروائے ہیں۔ تاہم، ان کے بدلتے ہوئے گلیمرس انداز نے سوشل میڈیا پر بحث اور تجسس پیدا کر دیا ہے، جس میں مداح اور ناقد دونوں اپنی رائے دے رہے ہیں۔
یہ معاملہ اس بات کی عکاسی کرتا ہے کہ معروف شخصیات کی چھوٹی سی ظاہری تبدیلی بھی فوراً سوشل میڈیا پر بحث کا مرکز بن جاتی ہے، چاہے وہ حقیقی سرجری ہو یا صرف اسٹائلنگ اور میک اپ کا اثر۔
