5
قطر کے وزیرِ توانائی سعد شرید تالكعبی نے مشرقِ وسطیٰ کی موجودہ صورتحال پر تشویش کا اظہار کرتے ہوئے خبردار کیا ہے کہ اگر جنگ جاری رہی تو عالمی مارکیٹ میں تیل کی قیمت میں شدید اضافہ ہو سکتا ہے۔
غیر ملکی میڈیا کے مطابق وزیرِ توانائی نے کہا ہے کہ خلیجی ممالک چند ہفتوں میں توانائی کی پیداوار روک سکتے ہیں، جس کا اثر عالمی معیشت پر براہِ راست پڑے گا۔
سعودی عرب میں عیدالفطر پر نجی شعبے کے لیے 4 روزہ تعطیلات کا اعلان
سعد شرید تالكعبی نے واضح کیا کہ جنگ کی صورت میں خلیجی ممالک سے توانائی کی برآمدات متاثر ہوں گی اور اگر کشیدگی بڑھی تو تیل کی قیمت 150 ڈالر فی بیرل تک پہنچ سکتی ہے۔
ان کا کہنا تھا کہ یہ صورتحال عالمی مالیاتی اور توانائی کی منڈیوں کے لیے سنگین چیلنج ثابت ہو سکتی ہے، اس لیے متعلقہ ممالک کو محتاط رہنے کی ضرورت ہے۔
