ڈی پی او گجرات رانا عمر فاروق کے احکامات کی روشنی میں ضلع بھر میں منشیات فروشوں کے خلاف کارروائیاں جاری ہیں۔
اسی سلسلے میں گجرات پولیس نے تھانہ سول لائن کے علاقے میں کارروائی کرتے ہوئے ایک ملزم کو گرفتار کر لیا۔
پولیس کے مطابق ایس آئی کلیم اللہ، انچارج چوکی جٹووکل، پولیس ٹیم کے ہمراہ گشت پر تھے کہ جلال چیمہ کالونی کے قریب ایک مشکوک شخص کو روک کر اس کی تلاشی لی گئی۔
ملزم نے اپنی شناخت زین ولد آصف سکنہ رنگ پورہ گجرات کے نام سے کرائی۔ دورانِ تلاشی اس کے قبضے سے پانچ لیٹر دیسی ساختہ شراب برآمد ہوئی۔
اسسٹنٹ کمشنر گجرات کا سبزی و فروٹ منڈی کا دورہ، نیلامی کے عمل کی نگرانی
پولیس کے مطابق ملزم شراب رکھنے کے لیے کوئی لائسنس یا اجازت نامہ پیش نہ کر سکا جس پر اس کے خلاف مقدمہ درج کر کے مزید تفتیش شروع کر دی گئی ہے۔
گجرات پولیس کا کہنا ہے کہ معاشرے کو منشیات جیسی لعنت سے پاک کرنے کے لیے ایسے عناصر کے خلاف کارروائیاں بلا امتیاز جاری رکھی جائیں گی۔
