اسلام آباد، بھارتی جارحیت کے خلاف جوابی کارروائی کرتے ہوئے پاک فوج نے لائن آف کنٹرول پر دشمن کی متعدد پوسٹوں کو نشانہ بنا کر تباہ کر دیا۔
سکیورٹی ذرائع کے مطابق پاک فوج نے بھارتی حملوں کے جواب میں بھرپور ردعمل دیتے ہوئے چری کوٹ سیکٹر کے بالمقابل واقع جبڑی پوسٹ کو مکمل طور پر تباہ کر دیا۔
کارروائی کے نتیجے میں پوسٹ میں آگ بھڑک اٹھی، جس کے باعث بھارتی فوجی اپنی جان بچانے کے لیے پوسٹ چھوڑ کر فرار ہو گئے، ویڈیوز میں پوسٹ سے اٹھتا دھواں اور تباہی کے مناظر واضح طور پر دیکھے جا سکتے ہیں۔
مزید بتایا گیا ہے کہ پونچھ سیکٹر میں بھارتی 93 بریگیڈ ہیڈ کوارٹر کی تباہی کی فوٹیج بھی سامنے آئی ہے، جبکہ اس سے پہلے اڑی سیکٹر میں 12 بریگیڈ کو بھی شدید نقصان پہنچایا گیا تھا۔
سکیورٹی ذرائع کے مطابق پاک فوج بھارتی جارحیت کا بھرپور اور مؤثر جواب دے رہی ہے اور دشمن کو ہر محاذ پر منہ توڑ جواب دیا جا رہا ہے۔
