سکیورٹی فورسز نے بلوچستان کے ضلع شیرانی میں انٹیلی جنس بیسڈ آپریشن کے دوران 7 بھارتی سپانسرڈ دہشتگردوں کو ہلاک کر دیا ہے۔
آئی ایس پی آر کے مطابق یہ کارروائی یکم اکتوبر کو دہشتگردوں کی موجودگی کی اطلاع پر کی گئی، جس میں شدید فائرنگ کا تبادلہ ہوا۔
ہلاک شدہ دہشتگرد بھارتی پراکسی تنظیم "فتنہ الخوارج” سے تعلق رکھتے تھے اور علاقے میں متعدد تخریب کاری کی وارداتوں میں ملوث تھے۔ آپریشن کے دوران دہشتگردوں سے اسلحہ، گولہ بارود اور دھماکا خیز مواد بھی برآمد کیا گیا۔
خضدار میں سکیورٹی فورسز کا کامیاب آپریشن، خواتین کے بھیس میں فرار ہونے والے 4 دہشت گرد گرفتار
آئی ایس پی آر نے پاکستانی افواج کے عزم کا اعادہ کیا کہ وہ بھارتی سرپرستی میں ہونے والی دہشتگردی کے خاتمے کے لیے پرعزم ہیں۔ یکم اکتوبر کو کوئٹہ میں بھی فتنہ الخوارج اور فتنہ الہندوستان کے خلاف آپریشن میں 10 دہشتگرد ہلاک کیے گئے تھے۔
