شمالی کوریا نے اپنی پہلی ایٹمی آبدوز کی نئی تصاویر جاری کی ہیں اور دعویٰ کیا ہے کہ یہ آبدوز امریکی بحریہ کے بعض حملہ آور جہازوں کے برابر سائز کی ہے۔
شمالی کوریا کے سرکاری میڈیا کی جانب سے جاری کردہ تصاویر میں رہنما کِم جونگ اُن کو آبدوز میں گائیڈڈ میزائل کا معائنہ کرتے ہوئے دکھایا گیا ہے، جس سے ظاہر ہوتا ہے کہ آبدوز ابھی تک عملی طور پر لانچ نہیں کی گئی۔ کِم جونگ اُن نے ایٹمی آبدوز کی تیاری کو اپنی بحریہ کی جدید کاری اور جوہری ہتھیاروں میں ایک اہم قدم قرار دیا ہے۔
جنوبی کورین صدر کی ٹرمپ سے ملاقات سے قبل شمالی کوریا کا میزائل تجربہ
تصاویر میں یہ بھی دیکھا جا سکتا ہے کہ رہنما کو آبدوز کی تیاری کے حوالے سے تفصیلی بریفنگ دی جا رہی ہے۔ غیرملکی میڈیا کے مطابق، شمالی کوریا میں مقامی سطح پر ایٹمی آبدوز کی تیاری میں قابلِ ذکر پیش رفت ہوئی ہے، جس کا پہلا اعلان مارچ میں کیا گیا تھا۔
ماہرین کے مطابق، شمالی کوریا کی یہ پیش رفت خطے میں فوجی توازن اور بین الاقوامی سکیورٹی کے حوالے سے تشویش پیدا کر سکتی ہے، خاص طور پر اس بات کے تناظر میں کہ یہ آبدوز جوہری ہتھیار لے جانے کی صلاحیت رکھتی ہے۔ شمالی کوریا کی یہ جدید بحری منصوبہ بندی عالمی سطح پر نگرانی اور تبصرے کا موضوع بنی ہوئی ہے۔
