اوگرا (آئل اینڈ گیس ریگولیٹری اتھارٹی) نے فروری 2026 کے لیے لیکویفائیڈ نیچرل گیس (ایل این جی) کی قیمت میں اضافہ کر دیا ہے۔ نوٹیفکیشن کے مطابق ایل این جی کی قیمت 0.06 ڈالر فی ایم ایم بی ٹی یو بڑھا دی گئی ہے۔
تفصیلات کے مطابق سوئی ناردرن سسٹم کے لیے ایل این جی کی نئی قیمت اب 11.33 ڈالر فی ایم ایم بی ٹی یو ہو گئی ہے، جبکہ سوئی سدرن سسٹم کے لیے یہ قیمت 10.27 ڈالر فی ایم ایم بی ٹی یو مقرر کی گئی ہے۔
اوگرا کا کہنا ہے کہ قیمتوں میں یہ اضافہ عالمی مارکیٹ میں ایل این جی کی بڑھتی ہوئی قیمتوں اور درآمدی لاگت کی بنیاد پر کیا گیا ہے۔ صارفین اور صنعتوں کو قیمتوں میں تبدیلی کے مطابق اپنے بجٹ اور اخراجات کے حسابات کرنے کی ہدایت کی گئی ہے۔
نیٹ میٹرنگ سے نیٹ بلنگ منتقلی مؤخر، اویس لغاری
یہ اضافہ ملک میں توانائی کے شعبے میں بجٹ اور پیداوار پر اثر ڈال سکتا ہے، خاص طور پر صنعتی صارفین اور دیگر بڑے صارفین کے لیے، جنہیں ایل این جی کی زیادہ قیمت کی وجہ سے اضافی لاگت برداشت کرنی پڑ سکتی ہے۔
